Seves weh ol provins i kasem hemi blong pipol i save kam mekem aplikesen blong passport nomo beh passport oli printim long ofis blong immigreasen long Port Vila.
Lonjing blong passport enrolmen stasen long Sanma provins hemi stap long 27th Okis 2024 mo long taem ia kasem Novemba 2024. I kat 417 pipol weh oli apply from passport mo oli karem ol passport blong olgeta finis.
Narafala provins weh i kat passport enrolmen sistem long hem hemi Tafea provins. Lonjing hemi bin tekem ples long 1st Octoba 2024 mo long taem ia kasem Novemba i kat 296 aplikesen blong passport weh immigreasen ofis long port vila i printm mo sentem i ko.
Pipol blong Malampa provins oli stat blong usum passport enrolment system ia taem oli lonjem long 2nd Octoba 2024. Afta long lonjing ia i kat 158 aplikesen evri wan weh oli apply mo karem ol niufala passport blong olgeta.
Torba provinse hemi wan long ol provins weh hemi kas seves blong passport tu taem oli lonjem long namba 31st Octoba 2024. Afta long lonjing ofis hemi risivim 25 aplikesen weh ofis long vila hemi printem mo sentem i kobk long Torba blong oli kivim aot long ol applicant.
Wetem wan wan namba blong aplikesen long wan wan provins i mekem wan totol blong 4077 passport application evri wan weh pipol i apply usum niufala passport enrolmen sistem.
Insaed long passport application ia i kat ol diferen application olsem mekem wan niu passport, lost mo damej passport, ejen passport, passport blong ol pikinini stat long 6 - 17 yias mo ol narafala moa.
Long 13th Okis kasem 27th Novemba, total revenu koleksen blong passport mo setifiket blong identiti (CI) weh ofis blong immigreasen hemi mekem hemi kasem wan amaon blong ova 100 milien vatu.
Dipatmen blong Immigreasen hemi plan blong mekem lonjing blong Passport Enrolmen sistem long Penama Provins long manis blong Maj nekis yia.